Лалын хаж мөргөлд 1.7 сая хүн оролцож байна
ДЭЛХИЙН МЭДЭЭ | НИЙГЭМЭР-РИЯД. /Anadolu/. Лалын шашны томоохон зан үйл болох хаж мөргөлд 1.7 сая орчим хүн оролцож байна гэж Саудын Арабын эрх баригчид мягмар гарагт мэдээлжээ.
Даваа гарагийн байдлаар мөргөлд оролцохоор онгоцоор 1 сая 664 мянга, газраар 92 844, далайгаар 17 249 хүн гээд нийт 1 сая 775 мянган хүн ирсэн гэж тус улсын төрийн мэдээллийн “Saudi Press” агентлаг мэдээлсэн байна.
Тус агентлагийн мэдээлэлд дурдсанаар, энэ жилийн мөргөлчдийн тоог өнгөрсөн оны мөн үеийнхтэй харьцуулахад 7 хувиар буюу 117 мянгаар өсжээ.
Хаж мөргөл эхэлсэнтэй холбоотойгоор ойрын өдрүүдэд лалын ертөнцийнхөн Меккад гол анхаарлаа хандуулж байна. Албан ёсны баримтад дурдсанаар, өнгөрсөн жилийн хаж мөргөлд нийт 2 сая 371 мянган хүн оролцсон байна.