Хичээлийн шинэ жилийг угтан 1000 цэцгийг нөхөн тарилтад гаргав

Орон нутагт | Хөвсгөл
gantuyaB@montsame.mn
2019-08-27 09:20:27

Хөвсгөл /МОНЦАМЭ/. Мөрөн сумын Хот тохижилт үйлчилгээний төвөөс иргэдэд болон гадаад, дотоодын зочдод өнгө үзэмжтэй, ая тухтай орчин бүрдүүлэхээр сүүлийн жилүүдэд нийтийн эзэмшлийн талбайг тохижуулан цэцэгжүүлсээр байна. Энэ зун 20 мянган цэцгээр Мөрөн хотыг гоёсон бол хичээлийн шинэ жилийг угтан сургууль, цэцэрлэгийн ойролцоо болон нийтийн эзэмшлийн талбайд 1000 цэцгийг нөхөн тарилтад гаргажээ. 2017 онд Мөрөн сумын хэмжээнд 8000 цэцэг үрслүүлж байсан бол өнгөрсөн онд 14 мянгаар гоёжээ. Энэ жилийн хувьд цэцэгний нэр төрөл, тоог олшруулан 20 мянгаар гоёж баяр наадмаас өмнө  талбайд суулгасан ажээ.

 

Холбоотой мэдээ