АНУ-д электрон тамхинаас үүдэлтэй өвчний тохиолдлын тоо нэмэгдсээр байна

Дэлхийд | Эрүүл мэнд
khulan@montsame.gov.mn
2019-09-20 11:10:00

ЧИКАГО. /Reuters/. АНУ-д электрон тамхины хэрэглээнээс үүдэлтэй уушгины өвчний тохиолдол 530 бүртгэгдэж, 7 хүн нас барсан талаар тус улсын Хүнс, эмийн хяналтын удирдлагын газраас мэдээлжээ.


Уг өвчний тархалт намжих төлөвгүй байгаа бөгөөд нэгхэн долоо хоногийн өмнө 380 тохиолдол бүртгэгдээд байсан юм. Тэдгээрийн дөрөвний гурвыг эрэгтэйчүүд, гуравны хоёрыг 18-34 насныхан эзэлж байна.


Хүнс, эмийн хяналтын удирдлагын газар 150 гаруй бүтээгдэхүүн, бодисыг шалгаж байгаагийн зэрэгцээ электрон тамхитай холбоотой бүтээгдэхүүнийг нийлүүлдэг сүлжээг судлах зорилгоор мөрдөн шалгах багийг томилж, тархалтын шалтгааныг тогтоохоор ажиллаж байгаа ажээ.


АНУ-д электрон тамхины хэрэглээнээс үүдэлтэй уушгины өвчний улмаас 7 хүн нас барснаас Калифорни муж улсад 2, Иллинойс, Индиана, Канзас, Миннесота, Ореган муж улсад тус тус нэг хүн нас баржээ. 

Холбоотой мэдээ