Улаанбаатар
Роналдугийн гурван гоолын ачаар “Реал” хагас шигшээд үлдэв
ДЭЛХИЙН МЭДЭЭ | СПОРТМАДРИД. /TASS/. Испанийн хөлбөмбөгийн “Реал Мадрид” клуб Аваргуудын лигийн хэсгийн хариу тоглолтод Германы "Вольфсбург" багийг өөрийн талбайд 3:0 онооны харьцаатайгаар хожиж, хоёр тоглолтын нийлбэр дүнгээр хагас шигшээд өрсөлдөх эрхтэй болжээ.
Багаа хагас шигшээд оруулахад Криштиану Роналду-гийн 15, 17, 77 дахь минутад өрсөлдөгчийн хаалганд хийсэн гурван гоол шийдвэрлэх үүрэг гүйцэтгэлээ.
Эдгээр гоол нь Португалын хөлбөмбөгчний хувьд Аваргуудын лигийн тэмцээнд тоглох хугацаандаа хийсэн тав дахь хет-трик юм. Тэрбээр энэ амжилтаараа Испанийн “Барселона” багийн довтлогч, Аргентины хөлбөмбөгчин Лионель Месситэй зэрэгцэж ирлээ.
Хоёр багийн эхний тоглолт Германы Вольфсбург хотод болж, талбайн эзэн баг 2:0 онооны харьцаатайгаар ялжээ.
Хагас шигшээгийн эхний тоглолт дөрөвдүгээр сарын 26, 27-нд болох бол хариу тоглолтууд тавдугаар сарын 3-4-нд болно.
Д.Жаргал
