Золбин нохойг устгаж байна

Орон нутагт | Дорнод
delgermaa@montsame.mn
2019-11-22 17:52:41

Дорнод /МОНЦАМЭ/. Энэ сарын 16-ны өдрөөс Дорнод аймгийн төвд нохой устгал хийж байна. Чойбалсан хот нохой устгалд жилд 50 сая төгрөг төсөвлөж  2-3 удаа энэ ажлыг зохион байгуулдаг. 

Энэ удаад 15 сая төгрөгөөр 1500 нохой устгана. Нохой устгалын ажлыг бодитой хийж байгаа эсэхэд багийн ажлын алба, иргэд  хяналт тавих аж. Золбин нохой устгалын ажлыг үүрээр хүний хөл татарсан үеэр өдөрт 350-420-ийг устгаж байгаа  гэж Хэрлэн сумын ЗДТГ-аас мэдээлэв. Энэ үеэр айл өрхүүд өөрийн нохойгоо уяатай байлгах шаардлагатай гэдгийг анхааруулж байна.   

Холбоотой мэдээ