Модны тарьц суулгацын үзэсгэлэн худалдаа болно
ОРОН НУТГИЙН МЭДЭЭ | ХЭНТИЙ“Мод тарих үндэсний өдөр” энэ сарын 14-ний өдрийн бямба гаригт улс даяар зохион байгуулна.
Тус өдрийг угтаж Хэнтий аймгийн БОАЖГ-аас модны тарьц, суулгацын нөөцгүй сумд болон айл өрх, аж ахуйн нэгж, байгууллагуудыг хангах зорилгоор “Модны тарьц, суулгацын үзэсгэлэн худалдаа” –г энэ сарын 12-14-ний өдрүүдэд “Эвт худалдааны төв”-ийн гадна талбайд зохион байгуулна.
Модны суулгац нарс 1500-70000, шинэс 5000-70000, хайлаас 1000-2500, гоёлын болон жимсний мод, бут сөөгнүүд 1800-6000, зүлэгний үр 25000 төгрөгийн үнэтэйгээр зарагдана. Үнийн судалгааны дэлгэрэнгүй мэдээллийг аймгийн БОАЖГ болон Төрийн үйлчилгээний нэгдсэн төвийн Байгаль орчин хариуцсан мэргэжилтнээс авах боломжтой юм.
О.Буянхишиг