Улаанбаатар
УИХ-ын 76 мандатын 48 нь орон нутагт, 28-ыг нь нийслэлд хуваарилав
МОНГОЛЫН МЭДЭЭУИХ-ын чуулганы нэгдсэн хуралдаанаар өчигдөр “Монгол Улсын Их Хурлын сонгуулийн тойрог байгуулах, тойргийн мандатын тоо, дугаар, нутаг дэвсгэр, төвийг тогтоох тухай” тогтоолыг хуулийн хугацаанд нь багтаан баталсан.
Энэ тогтоол батлагдсанаар УИХ-ын сонгуулийн 76 мандатын 48-ыг нь аймгуудад, 28-ыг нь нийслэлд хуваарилахаар боллоо. Үүнд,
Орон нутагт:
-Архангай, Баян-Өлгий, Баянхонгор, Өвөрхангай, Сэлэнгэ, Төв, Ховд, Хөвсгөл, Хэнтий, Дархан-Уул, Орхон аймаг тус бүр 3,
-Дорнод, Завхан, Сүхбаатар, Увс, Өмнөговь аймаг тус бүр 2, /нийт 10 мандат/
-Булган, Говь-Алтай, Говьсүмбэр, Дорноговь, Дундговь, Сүхбаатар аймгууд тус бүр 1, /нийт 6 мандат/
-Дорнод, Завхан, Өмнөговь аймгууд тус бүр 2, /нийт 6 мандат/
-Архангай, Баян-Өлгий, Баянхонгор, Өвөрхангай, Сэлэнгэ, Төв, Увс, Ховд, Хөвсгөл, Хэнтий, Дархан-Уул, Орхон аймгууд тус бүр 3, /нийт 36 мандат/
Нийслэлд:
-Багануур дүүргийг Сүхбаатар дүүргийн сонгуулийн тойрогтой нэгтгэж 4 мандат,
-Багахангай дүүргийг Хан-Уул дүүргийн сонгуулийн 56 дугаар тойрогт нэгтгэж 4 мандат,
-Налайх дүүргийг Чингэлтэй дүүргийн сонгуулийн 63 дугаар тойрогтой нэгтгэж 4 мандат,
-Баянгол дүүрэг 4 мандат,
-Баянзүрх, Сонгинохайран дүүрэг тус бүр 6 мандаттай боллоо.
Мөн зарим аймгийн сонгуулийн тойргуудын нутаг дэвсгэрийн хуваарилалтад өөрчлөлт оруулсан.
Ингээд УИХ-ын сонгуулийн тойрог, тойргийн нутаг дэвсгэр, мандатын тоог танилцуулж байна.
Н.Гантуяа
