Адаацаг сум “Хөгжлийн ерөнхий төлөвлөгөө”-тэй боллоо
ОРОН НУТГИЙН МЭДЭЭ | ДУНДГОВЬДундговь /МОНЦАМЭ/. Дундговь аймгийн Адаацаг
сум "2018-2038 оны хөгжлийн ерөнхий төлөвлөгөө”-тэй боллоо.
Тус сум 2018 онд сумынхаа хөгжлийн стратеги төлөвлөгөөг иргэдийн
оролцоотой боловсруулан батлуулсан бөгөөд тус төлөвлөгөөнд “хөгжлийн
ерөнхий төлөвлөгөө”-тэй болох асуудлыг тусгасан юм.
Энэхүү асуудлыг шийдвэрлэхийн тулд сумын Орон нутгийн хөгжлийн сангийн 25,344,000 төгрөгийн хөрөнгөөр “Инженер Геодези” ХХК-г сонгон гэрээ байгуулжээ.
Тус компани сумын иргэдийн дунд гурван удаагийн хэлэлцүүлэг зохион
байгуулж, хөгжлийн ерөнхий төлөвлөгөөг боловсруулан гүйцэтгэлийн ажил дуусч
хүлээлгэн өгсөн ба тус төлөвлөгөөг сумын ИТХ-аар хэлэлцэн баталсан
байна.