Номын сангийн фондоо 100 сая төгрөгийн номоор баяжуулжээ

oyundelger@montsame.gov.mn

2020-10-09 16:10:27

Улаанбаатар /МОНЦАМЭ/. Монголын шинэ үеийн уран зохиолыг үндэслэгч их зохиолч Д.Нацагдоржийн нэрэмжит Улаанбаатар хотын нийтийн төв номын сангийн 40 жилийн ой тохиож байна.

Тус номын сан ойгоо угтан баримтат кино бүтээж, онол, практикийн бага хурал зохион байгуулан, гэрэл зургийн үзэсгэлэн дэлгэв. Баярын ёслолыг нээж Нийслэлийн Засаг дарга бөгөөд Улаанбаатар хотын Захирагчийн үүрэг гүйцэтгэгч Ж.Батбаясгалан хэлэхдээ, “Улс орны хөгжлийн чухал суурь нь оюуны болон сэтгэлгээний хөгжил байдаг тул соён гэгээрүүлэх үйлсэд хувь нэмэр оруулах хөрөнгө оруулалтыг нэмнэ” гэдгээ дуулгасан. Улаанбаатар хотын нийтийн төв номын сангийн захирал Д.Индра “Хэдийгээр цар тахлаас үүдсэн хорио цээрийн дэглэмд олныг хамарсан томоохон үйл ажиллагаа явуулахгүй байгаа ч 40 жилийн ойн баяраа угтан фондоо 100 сая төгрөгийн номоор баяжууллаа. Мөн сүүлийн үеийн тоног төхөөрөмжөөр бүрэн шинэчилж, төв болон салбар номын сангийнхаа гадна, дотно өнгө үзэмжийг сайжруулан, 500 сая төгрөгөөр RFID систем нэвтрүүлсэн” хэмээлээ.

Улаанбаатар хотын нийтийн төв номын санг 1980 оны 10 дугаар сарын 8-нд байгуулж, 20 хүний бүрэлдэхүүнтэй үйл ажиллагаагаа эхлүүлж байсан бол өнөөдөр таван салбар номын сантай, 80 ажилтантай болон өргөжжээ.

Номын сангийн фондоо 100 сая төгрөгийн номоор баяжуулжээ

Холбоотой мэдээ

ӨНӨӨДӨР: "Хүн ам, жендэр, хөгжлийн асуудал" эрдэм шинжилгээний хурал болно

Жао Жи Чиань: Монголд хятад жуулчдын хамгийн их очих дуртай газар нь тал нутаг байдаг

Төв цэнгэлдэх хүрээлэнг 100 хувь нийслэлийн эзэмшилд авлаа

Т.Баттулга: Төр засгаас аялал жуулчлалыг сурталчилж байгаа нь салбарын хөгжилд нөлөөлж байна

Төв цэнгэлдэхийн эргэн тойронд наадмаар гардаг худалдааг цэгцэлнэ

Дэлбэрэлтэд өртсөн 207 дугаар байрыг нурааж, дахин барина

Явган хүний замыг чөлөөлж байна

“Чингис хаан” олон улсын нисэх буудал “4 од” зэрэглэл хүртэв

Маргааш, нөгөөдөр нөөцийн махны өргөтгөсөн худалдаа болно

бидэнтэй нэгдэх

Хандалт