Улаанбаатар
“Үзэм ба самарнууд” хамтлаг анхны дуугаа цацаж эхэлжээ
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. “The Voice of
Mongolia” шоуны 2018 оны шилдэг таван оролцогч "R&N” хамтлаг байгуулжээ.
Хамтлагийн продюсер Б.Наранзун, "Хүн бүр өөр өөрийн онцлогтой, зарим нь чихэрлэг амттанд дуртай бол зарим нь давстай самарт дуртай байдаг. Тиймээс “Raisins and nuts” буюу “Үзэм ба самарнууд” гэж нэрлэж “R&N” хэмээн товчилсон" гэлээ.
Мөн тэрбээр, “Хамтлагийн залуусыг сонгохын тулд маш өндөр шалгуур тавьдаг. Хамтлагийн хүүхдүүд бүгдээрээ өвөрмөц хоолойтой. Тэгэхээр Монгол Улсад зохион байгуулж байгаа олон улсын шоуны ач тус харагдаж байна. Эдгээр шоунаас уран бүтээлчид шигшигдэж, тийм залуус яг уран бүтээлийн замналаар явж буй жишиг тогтож байна” гэдгийг онцлов.
Тус хамтлагийнхан “So Long” буюу “Баяртай” хэмээх анхны дуугаа хоёр хоногийн өмнө юүтүб сувагт байршуулжээ. Уг дуунд хайртай бүсгүйдээ хаягдаж сэтгэлээр унасан залуу өнгөрсөн дурсамжаа санагалзаж буй тухай өгүүлдэг байна.
Т.Билгүүн
