Ховд аймгийн Засаг даргаар Б.Дүгэржавыг дахин томиллоо

ОРОН НУТГИЙН МЭДЭЭ | ХОВД
lkhagwa@montsame.gov.mn
2020-11-23 14:48:40

Ховд /МОНЦАМЭ/. Аймгийн ИТХ-ын анхдугаар хуралдааны үр дүнд МАН-ын бүлгээс Мянгад сумаас сонгогдсон төлөөлөгч Б.Дүгэржавыг аймгийн Засаг даргад нэр дэвшүүлж, тогтоолыг Монгол Улсын Ерөнхий сайдад өргөн мэдүүлсэн. Тэгвэл Монгол Улсын Ерөнхий сайдын 2020 оны 103 дугаар захирамжийн дагуу Б.Дүгэржавыг Ховд аймгийн Засаг даргаар томиллоо.  

Ийнхүү аймгийн Засаг даргаар хоёр дахь удаагаа томилогдсон Б.Дүгэржавд тамга, тэмдгийг албан ёсоор гардуулан өгөх үйл ажиллагаа 11 дүгээр сарын 23-ны өдөр боллоо. 

Тус үйл ажиллагаанд аймгийн ИТХ-ын дарга Г.Пүрэвганди, Засаг даргын орлогч Т.Жаргалсайхан, ИТХ-ын Нарийн бичгийн дарга Б.Сандагсүрэн, ЗДТГ-ын дарга Д.Энхболд нар оролцож, цаашдын ажилд нь амжилт хүсэв.    

Холбоотой мэдээ