Улаанбаатар
“Элэг бүтэн монгол“ хөтөлбөр үргэлжилж байна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Дэлхий дахинд 520 сая хүн вируст хепатитийн архаг халдвартай байгаа бөгөөд уг өвчнөөс үүдэлтэй элэгний хатуурал, хорт хавдрын улмаас жил бүр 1.45 сая хүн нас барж байна.
Манай улсын хувьд ч хепатитийн вирусний халдвар тулгамдсан асуудлын нэг болсоор байгаа юм. Дэлхийн эрүүл мэндийн байгууллага /ДЭМБ/-тай хамтран 2014 онд хийсэн тооцооллоор манай улсад хепатитийн В, С вирусний архаг халдвартай 400 мянган хүн байна.
Иймд Засгийн газраас
2017 оны эхний хагасаас эхлэн “Элэг бүтэн Монгол” хөтөлбөрийн хүрээнд Хепатит
В, С вирусний илрүүлэг шинжилгээг авч эхэлсэн. Хөтөлбөрийн хүрээнд өнөөдрийн
байдлаар 1 сая 155 мянга 182 хүн В, С вирусний шинжилгээнд хамрагдаад байна.
