Дүүрэг бүрт дархлаажуулалтын цэг ажиллаж 60-аас дээш насныхныг вакцинд хамруулна
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. ЭМЯ, Геронтологийн үндэсний Төв, Нийслэлийн эрүүл мэндийн газар, ДЭМБ, МУЗН хамтран хөдөө орон нутгаас ирээд нийслэлд саатсан, вакцинжуулалтаасаа хоцорсон, гэрийн асаргаанд байдаг, архаг хууч өвчтэй, 60-аас дээш насныхныг коронавирусний эсрэг вакцинд хамруулж байна.
Өнөөдрөөс дүүрэг бүрт дархлаажуулалтын нэг суурин цэгийг нээж, зорилтот бүлгийн иргэдээ дархлаажуулалтад хамруулахаар болсон байна.
Тодруулбал,
1. Баянзүрх дүүрэг -133-р сургууль
2. Баянгол дүүрэг -20-р сургууль
3. Багануур дүүрэг – Эрүүл мэндийн төв
4. Чингэлтэй дүүрэг – “Аврагч” спорт хороо
5. Сонгинохайрхан дүүрэг – 9-р сургууль
6. Сүхбаатар дүүрэг -11-р сургууль,
7. Хан-Уул дүүрэг – Монгол, Солонгос коллеж,
8. Багахангай дүүрэг – Эрүүл мэндийн төв
9. Налайх дүүрэг -Эрүүл мэндийн төвд тус тус дархлаажуулалтын цэг ажиллуулах юм.
Мөн дүүрэг тус бүрт гурван автобусаар МУЗН-ийн сайн дурын идэвхтнүүд иргэдийг дархлаажуулалтын цэгт хүргэх ажлыг зохион байгуулна.