Малчны хороололд газар олгож эхэллээ
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Говь-Алтай аймгийн төв Есөнбулаг сумын ЗДТГ-аас малчны хороолол байгуулахаар газар олгож эхэллээ.
Алтай хотын хүн ам өдрөөс өдөрт нэмэгдэж байна. Үүнийг дагаад мал бүхий иргэдийн тоо ч нэмэгдэн ногоон байгууламж сүйтгэх, малын гоц халдварт өвчин гарах эрсдэл өсөх хандлагатай болжээ. Иймд Алтай хотын төвөөс 8 км-ийн зайд мал бүхий өрхийн хорооллыг бий болгохоор ийнхүү төлөвлөжээ.
Энэхүү хорооллыг Алтай хотын төвөөс 8 км зайд байгуулахаар тог цахилгаан, худаг ус гэх мэт дэд бүтцийн асуудлыг цогцоор нь шийдсэн тухай сумын ЗДТГ-аас мэдээлэв.
Иймд газар авах хүсэлтэй иргэд Есөнбулаг сумын ЗДТГ-ын бичиг хэргийн ажилтанд өргөдлөө ирүүлэхийг мэдэгдлээ.