Аюулт үзэгдэл, ослын тохиолдол 11.9 хувиар багаслаа

d.uransolongo@montsame.gov.mn

2021-09-17 10:13:13

Улаанбаатар /МОНЦАМЭ/. Аюулт үзэгдэл, ослын тохиолдол энэ оны эхний 8 сард 2621 болж, өмнөх оны мөн үеэс 353 (11.9%)-аар багаслаа.

Обьектын түймэр 1684 удаа гарч, өмнөх оны мөн үеийнхээс 542 (24.3%)-оор багассаныг Үндэсний статистикийн хороо мэдээлэв.

Харамсалтай нь аюулт үзэгдэл, ослын тохиолдол буурсан хэдий ч энэ оны эхний 8 сарын байдлаар нас баралтын тоо 1255 болж өмнөх оны мөн үеэс 1061-ээр буюу 6.5 дахин нэмэгдсэн байна. Нас баралтын шалтгааныг тодруулбал, бичил уурхай, нурангийн улмаас 5 хүн, хүчтэй салхи, шуурганы улмаас 11 хүн, обьектын түймрийн улмаас 40 хүн, усны ослоор 117 хүн, коронавируст халдварын улмаас 1049 хүн, бусад золгүй явдлын улмаас 33 хүн амь насаа алджээ.

Аюулт үзэгдэл, ослын улмаас мөн хугацаанд 891 гэр, байшин, орон сууц шатаж, өмнөх оны мөн үеэс 193 (17.8%)-аар буурсан байна. Түүнчлэн 17.4 тэрбум төгрөгийн хохирол учирч, 2.0 тэрбум төгрөг зарцуулсан байна.

Мөн энэ онд мал, амьтны халдварт боом өвчний 1, хонины цэцэг өвчний 2, шүлхий 11, галзуу өвчний 19 удаагийн тохиолдол бүртгэгдсэн байна.

Аюулт үзэгдэл, ослын тохиолдол 11.9 хувиар багаслаа

Холбоотой мэдээ

Гандантэгчэнлин хийдийн сургуулийг есдүгээр сард ашиглалтад оруулна

Хот нийтийн аж ахуйн салбарт ашиглах тусгай зориулалтын 66 машин механизмыг хүлээлгэн өгөв

Монгол төрийн "Мэргэн өвөө" Ж.Самбуугийн мэндэлсний 130 жилийн ойг тэмдэглэж байна

Монгол-Оросын хамтарсан “Улаанбаатар төмөр зам” ХНН-т хийсэн аудитын тайланг гардууллаа

Ой, хээрийн түймрийн дуудлага 46.2 хувиар нэмэгджээ

“Дүнжингарав” худалдааны төвийн авто замын урд эгнээг хаана

ӨНӨӨДӨР: "XX зууны Монголын төр нийгмийн нэрт зүтгэлтэн Ж.Самбуугийн гүйцэтгэсэн үүрэг" хурал болно

Адуу болон халал аргаар бэлтгэсэн хонины хоёр мянган тонн мах худалдахаар тохиролцов

Тахилтад бага сургууль, цэцэрлэгийн цогцолбор ашиглалтад оруулна

бидэнтэй нэгдэх

Хандалт