Азийн хөл бөмбөгийн холбооны В зэрэглэлийн дасгалжуулагчдыг бэлдэж эхлэв
МОНГОЛЫН МЭДЭЭ | СПОРТУлаанбаатар /МОНЦАМЭ/. Монголын хөлбөмбөгийн холбоо /МХБХ/-ноос энэ удаад АХБХ-ны “В зэрэглэл”-ийн дасгалжуулагчийн сургалтыг анх удаа дотооддоо зохион байгуулж байна.
Энэхүү сургалт нь 3 үе
шаттай бөгөөд эхний шат 9 дүгээр сарын 25-нд дууссан. Харин 2, 3 дугаар шатны сургалт 10
дугаар сард болох юм.
Эхний сургалтад 17 оролцогч, 2 ажиглагч хамрагдсан бөгөөд АХБХ-ны “А” зэрэглэлийн дасгалжуулагчид болох Э.Ганзориг, Б.Гарьдмагнай нар удирдан зохион байгуулсан юм. АХБХ-ноос Япон улсын мэргэжилтэн Ясухиро Кимура цахим хэлбэрээр сургалтын явцыг хянаж байна.
Хөлбөмбөгийн хөгжлийг хурдасгах чухал хүчин зүйлүүдийн нэг бол чадварлаг дасгалжуулагчтай байх хэрэгтэй. Иймд МХБХ-ноос "Урт хугацааны стратеги төлөвлөгөө 2020-2028" хөтөлбөрийн мэргэшсэн боловсон хүчнийг бэлтгэх зорилтын хүрээнд дасгалжуулагчдын боловсрол, мэдлэг чадварт үргэлж анхаарал хандуулж, сургалтуудыг тогтмол зохион байгуулж, клубээр дамжуулан санхүүгийн хувьд дэмжих бодлого хэрэгжүүлж байгаа юм.
АХБХ-ны В ангиллын
сургалтад сууж, зэрэглэлээ ахиулахаар хичээнгүйлэн суралцаж байгаа
дасгалжуулагчдад МХБХ-ны Ерөнхий нарийн бичгийн дарга Д.Тэрбаатар, Техникийн захирал
Б.Буман-Учрал нар сургалтын нээлтэд оролцов.