Халдварын тохиолдол 9793-т хүрэв

Орон нутагт | Баян-Өлгий
bayanulgii@montsame.gov.mn
2021-10-13 16:07:13

Баян-Өлгий /МОНЦАМЭ/. Баян-Өлгий аймагт сүүлийн 24 цагт 91 хүнд түргэвчилсэн, 47 иргэний хамрын арчдасын сорьцод лабораторийн, нийт 138 иргэнд шинжилгээ хийхэд коронавирусний халдварын 51 тохиолдол шинээр батлагдлаа.  

Үүнээс Алтай, Баяннуур, Бугат суманд тус бүр 3, Сагсай, Ногооннуурт тус бүр 1, Улаанхуст 4, Цэнгэлд 5, Өлгийд 31 иргэнээс халдвар илэрч, тус аймагт нийт өвчилсөн хүмүүсийн тоо 9793 болов.

Батлагдсан нийт тохиолдлоос 9191 иргэн эдгэрч эмнэлгээс гарсан. Одоо аймгийн Ковидын эмнэлэгт 79, Сансар эмнэлэгт 24, сумдын Эрүүл мэндийн төвүүдэд 57, гэртээ 442 иргэн эмчлүүлж байна.  

Холбоотой мэдээ