Хуурайшилт ихтэйгээс түймэр ихээр гарах боллоо
ОРОН НУТГИЙН МЭДЭЭ | ДОРНОДДорнод аймгийн хэмжээнд сүүлийн 4, 5 хоногийн турш хэд хэдэн газарт хээрийн түймэр асч, аймгийн ОБГ-ын албан хаагчид, нутгийн иргэдтэй хамтран түймрийг унтраагаад байна.
Энэ жил тус аймгийн хэмжээнд хуурайшилт ихтэй байгаагаас аянга цахилгаанаас үүдэн түймэр энд тэндгүй гарах боллоо гэж аймгийн ОБГ-ын дарга Н.Гантөмөр ярьж байсан.
Матад, Халхгол, Баянтүмэн сумын нутагт гарсан түймрийг өчигдөр орой унтраасан бол Баянтүмэн сумын Жаргалант багийн нутаг “Зүүн гол”-д гарсан түймрийг өнөө өглөө 06 цагийн үед унтраажээ.
Сүүлийн 4 хоногт дээрх түймэрт аймгийн ОБГ-ын болон нутгийн 100 гаруй хүн ажилласан байна.
Б.Туяа