“Шарын гол” баг улсын залуучуудын аварга болов

Монголын мэдээ | Спорт
dusem11@yahoo.com
2022-01-25 09:45:15

Улаанбаатар /МОНЦАМЭ/. Монголын хоккейн холбооны 2022 оны Монгол Улсын залуучуудын аварга шалгаруулах тэмцээн /АШТ/ Улаанбаатар хотын 15 дугаар хороолол дахь "Отгон-Од" клубийн "Бласт" багийн мөсөн талбайд болж шилдгүүдээ шалгаруулав.


Тэмцээний аваргаар “Шарын гол” баг тодорсон бөгөөд шигшээ тоглолтод "Хангарьд" багийг 3:2-оор буулган авсан байна. Тэгвэл талбайн эзэн "Бласт" баг хүрэл медалийн төлөөх тоглолтод "Хөх чоно" багтай үндсэн цаг 2:2-оор тэнцэж, улмаар нэмэлт цагт ялалтын шайбаа өрсөлдөгчийнхөө хаалганд хийв.


Тэмцээний шилдэг хаалгачаар Б.Батбаяжих /Шарын гол/, хамгаалагчаар У.Нямдаваа /Бласт/, довтлогчоор Б.Энхбат /Шарын гол/, тэгш тоглогчоор М.Чинзолбоо /Хангарьд/, өсөх ирээдүйтэй тоглогчоор Ариунбилэг /Хөх чоно/, Амартөр /Бугант/ нар тус тус тодров.

Холбоотой мэдээ