Улаанбаатар
Олимпын багт төрийн далбааг гардуулж өгөв
МОНГОЛЫН МЭДЭЭ | СПОРТ
Улаанбаатар /МОНЦАМЭ/. “Бээжин-2022” өвлийн олимпын XXIV наадамд оролцох Монголын шигшээ багт төрийн далбааг гардуулах ёслол ням гарагт боллоо.
Ёслолын үеэр
БТСУХ-ны дарга Ц.Шаравжамц Бээжингийн олимпод оролцох Монголын багийн ахлагч,
МҮОХ-ны Гүйцэтгэх зөвлөлийн гишүүн Ц.Сандуйд төрийн далбаа гардуулан өгч, баг
тамирчдад амжилт хүсэв.
“Ковид-19” цар тахлаас
сэргийлэх үүднээс энэ ёслолд тамирчдыг оролцуулалгүй, цомхон хүрээнд зохион
байгуулав. Монголын баг тамирчид маргааш Бээжинг зорих юм.
Олимпын эрхээ аваад буй цанын 2 тамирчин Б.Ачбадрах, А.Энхтуул нарын тухайд хоёрдугаар сарын 8-ны өдөр спринт зайд уралдана. Улмаар хоёрдугаар сарын 10-нд А.Энхтуул эмэгтэйчүүдийн 10 км-т, хоёрдугаар сарын 11-нд Б.Ачбадрах эрэгтэйчүүдийн 15 км-т хурд хүч, ур чадвараа сорих юм байна.
Холбоотой мэдээ
