Улаанбаатар
Ганга нуурийн чуулган энэ сарын 27,28-нд болно
ОРОН НУТГИЙН МЭДЭЭ | СҮХБААТАР
Сүхбаатар аймаг бол аялал жуулчлал тэр дундаа хил орчмын аялал жуулчлалыг хөгжүүлэх бүрэн боломжтой бүс нутаг.
Энэ утгаараа 2014 оноос эхлэн Ганга нуурын чуулган хэмээх томоохон арга хэмжээг зохион байгуулж ирсэн. Энэ жил 3 дахь удаагаа зохион байгуулах бөгөөд 8 дугаар сарын 27, 28-нд хийхээр төлөвлөж бэлтгэл ажилдаа оржээ.
Ганга нуурын чуулган нь түүх соёл, байгаль, үндэсний өв уламжлалыг сурталчилан харуулсан аялал жуулчлалын арга хэмжээ юм. Тус арга хэмжээг ССАЖЯ, Сүхбаатар аймгийн ЗДТГ холбогдох байгууллагуудын хамтаар зохион байгуулдаг юм. Сүхбаатарчууд тэр дундаа Дарьгангын нүүдлийн соёл, түүх, ёс заншил, ард иргэдийн ахуй амьдралын хэв маягийг харуулсан олон төрлийн арга хэмжээ Ганга нуурын хөвөөн дээр болдог. Мөн Дарьгангын нэг бахархал болсон Хун шувуудын чуулганы гайхамшгийг харуулж, шашин урлагийн зан үйлийг хослуулдаг.
Сүхбаатарчуудынхаа төдийгүй улс орон даяар олон нийтийн анхаарал, сонирхлыг татдаг Ганга нуурын чуулган нэгдсэн арга хэмжээ нь 2015 оны “Дотоодын шилдэг аялал жулчлалын бүтээгдэхүүн”-ээр шалгарч байсан юм.
Т. Одончимэг
