Улаанбаатар
Сэргээшийн дуулианы улмаас Оросын тамирчдыг Риогийн Паралимпод оролцохыг хориглолоо
ДЭЛХИЙН МЭДЭЭРИО-ДЕ-ЖАНЕЙРО. /TASS/. Риогийн Паралимпын наадамд Оросын тамирчдыг оролцуулахгүй гэж Олон улсын Паралимпын хорооны /ОУПХ/ Ерөнхийлөгч Филип Крейвен өнгөрсөн амралтын өдөр Рио-де-Жанейро хотод хэвлэлийн бага хурал хийн мэдэгдлээ.
Оросын тамирчид төрөөс санхүүжүүлсэн сэргээшийн хөтөлбөрт хамрагдсан нь тогтоогдсон гэж Дэлхийн сэргээшийн эсрэг агентлаг /WADA/ өнгөрсөн сард мэдэгдсэнтэй холбогдуулан ОУПХ ийм шийдвэр гаргажээ.
Крейвен хэлэхдээ “Оросын тамирчид Сочигийн Паралимпын үеэр сэргээш хэрэглэснийг ОУПХ-ны мөрдөн шинжээчид WADA-тай хамтран ажиллан тогтоосон” гэсэн байна.
Оросын Паралимпын хороо энэ шийдвэрийг эсэргүүцэн Спортын арбитрын шүүхэд давж заалдах ажээ.
Риогийн Паралимпын наадам эхлэхэд 31 хоног үлдээд байна.
Г.Доржханд
Холбоотой мэдээ
