Н.Жокович АНУ-ын нээлттэй тэмцээнд оролцох боломжгүй болжээ
ДЭЛХИЙН МЭДЭЭ | СПОРТВАШИНГТОН. /BBC/.
Сербийн теннисчин Новак Жокович АНУ-ын
Нью-Йорк хотноо ирэх даваа гаргаас эхлэх нээлттэй тэмцээнд оролцох боломжгүй
болсон талаараа мэдэгджээ.
Тэрбээр “COVID-19”-ийн вакцинжуулалтын статусынхаа улмаас энэ оны
нэгдүгээр сард болсон Австралийн нээлттэй тэмцээнд оролцож чадаагүй юм.
Харин АНУ-ын
хувьд 2021 оны есдүгээр сараас хойш вакцинд хамрагдаагүй гадаадын иргэдийг хилээр
нэвтрэхийг хориглосон тул Сербийн теннисчин мөн л тэмцээнд оролцох боломжгүй
болжээ.
Н.Жокович АНУ-ын
нээлттэй тэмцээнд өрсөлдөнө гэж найдаж байсан боловч пүрэв гарагт “Twitter” хуудсандаа Нью-Йоркт болох тэмцээнд оролцох
боломжгүй болсон талаараа жиргэсэн байна.
Өдгөө 35 настай тэрбээр
энэ оны долоодугаар сард “Их дуулга”-ын 21 дэх түрүүгээ хүртсэн юм. Энэ нь Испанийн
теннисчин Рафаэль Надалийн эзэмшдэг амжилтаас нэгээр дутуу байгаа бөгөөд
тэрбээр амжилтаа ахиулах дахин нэг боломжоо алдаж байна.