Улаанбаатар
Сөүл хотын Түндэмүн дүүргийн Засаг даргатай уулзав
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Жижиг, дунд үйлдвэрийн газрын дарга Я.Эрдэнэсайхан БНСУ-ын Сөүл хотын Түндэмүн дүүргийн Засаг дарга И Пил Хён, Иргэдийн хурлын дэд дарга Жон Сон Ён, Иргэдийн хурлын төлөөлөгч И Гю Со нартай уулзлаа.
Уулзалтын үеэр 10
дугаар сард БНСУ-ын Сөүл
хотноо бизнес эрхэлж буй залуусыг дэмжих, Монгол улсын үндэсний үйлдвэрийн
бараа бүтээгдэхүүнийг экспортлох боломж нөхцөлийг нэмэх, хоёр орны бизнесийн
харилцан түншлэлийг өргөтгөх, зах зээлд хамтран ажиллах зорилгоор “Монголд үйлдвэрлэв-2022” зохион
байгуулах үзэсгэлэн худалдааны талаар мэдээлэл өгөхийн зэрэгцээ талбай гаргаж өгөхөд дэмжих хүсэлт тавилаа.
Мөн Монголын ижил төстэй байгууллагуудыг холбох, ЖДҮЭ-дэд
харилцан туслалцах зэрэг ажлын хүрээнд хамтын ажиллагааг бэхжүүлэх талаар санал
солилцсоныг ЖДҮГ-аас мэдээлэв.
