БАЯНХОНГОР: Үндэсний өв соёлыг сурталчлах өдөрлөг болно
ОРОН НУТГИЙН МЭДЭЭ | БАЯНХОНГОРБаянхонгор /МОНЦАМЭ/. Энэ сарын 9-ний өдөр Үндэсний өв соёлыг сурталчлах өдөрлөгийг Баянхонгор хотноо зохион байгуулна.
Тус өдөрлөгийг энэ сарын 5-11-ний өдөр Баянхонгор аймагт болж буй “Говийн чоно-2022” Олон улсын дадлага сургуульд оролцож буй 300 гаруй төлөөлөгчдөд зориулан зохион байгуулж байгаа аж.
Дадлага сургуульд Монгол Улс, АНУ-ын талын зохион байгуулагч, сургагч багш нараас гадна Үндэсний аюулгүй байдлын зөвлөл, яам, агентлаг, төрийн цэргийн болон тусгайлсан чиг үүрэг бүхий байгууллага, Говь-Алтай, Завхан, Өмнөговь, Дундговь, Өвөрхангай аймаг, Вьетнам, Их Британи, Непал, Тайланд, Шри Ланка, Шинэ Зеланд, Бангладеш улс, гамшгийн эрсдэлийг бууруулах чиглэлээр Монгол Улсад үйл ажиллагаа явуулдаг олон улсын байгууллага, хүмүүнлэгийн байгууллагын төлөөлөл оролцож байна.