Улаанбаатар
ӨВӨРХАНГАЙ: Ахлах ангийн сурагчдад "Хариуцлагатай сонгогч" байх мэдлэг боловсролыг олгож байна
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. НҮБ-ын Хөгжлийн хөтөлбөрийн санхүүжилтээр Сонгуулийн ерөнхий хороо, Сонгогчийн боловсролын төв, аймгийн ИТХ-ын хурал хамтран “Хариуцлагатай сонгогч” сургалтыг 10 дугаар сарын 14, 15-ны өдрүүдэд зохион байгуулж байна.
Сургалт нь ард нийтийн санал асуулга, сонгуулийн хууль тогтоомжийг нийтэд тайлбарлан таниулах, сонгогчдын боловсролыг дээшлүүлэх, сургалт, судалгаа явуулах, сонгуулийн явц, хугацааны талаар сонгогчдыг мэдээллээр хангах бүрэн эрхээ хэрэгжүүлэх зорилготой аж.
Сургалтад Арвайхээр сумын
ерөнхий боловсолын сургуулиуд, Политехникийн коллежийн сурагчдын төлөөлөл
хамрагдаж, сонгуулийн хууль тогтоомж, сонгох эрхийн талаар боловсрол эзэмшиж
байна. Уг мэдлэгийг олгох сургагч багшаар аймгийн ИТХ, ЗДТГ-аас хоёр алба хаагч
бэлтгэгджээ.
Сургалтыг нээж, аймгийн Засаг
дарга А.Ишдорж сурагчдад хандан хувь хүний сонголт хийх эрх, түүний үр
дагаврын талаар өөрийн бодол сэтгэгдлээ хуваалцлаа.
