ДОРНОГОВЬ: Сарын үнэмлэхүй бага температурыг давж хүйтэрчээ

ОРОН НУТГИЙН МЭДЭЭ | ДОРНОГОВЬ
erdenebulgan@montsame.mn
2022-11-30 10:13:41

Дорноговь /МОНЦАМЭ/. Дорноговь аймгийн нутгаар өнгөрсөн хоногт нутгийн төв, өмнөд хэсгээр 0,0-0,4 мм цас оржээ.

Салхи нийт нутгаар секундэд 5-13 метр, зарим үед секундэд 14 метр хүрч Замын-Үүд, Алтанширээ, Иххэт сумаас бусад сумын нутгаар явган цасан шуурга шуурсан байна.

Агаарын температур Иххэт, Дэлгэрэх, Алтанширээ суманд 31 хэм, бусад нутгаар 26-30 хэм хүрч хүйтэрсэн. Мандах, Улаанбадрах суманд 1975 оноос хойших хугацаанд ажиглагдсан сарын үнэмлэхүй бага температурыг давж хүйтэрсэн талаар аймгийн Ус цаг уур, орчны шинжилгээний төвөөс мэдээлэв.

Холбоотой мэдээ