Улаанбаатар
“Оюухай 2016” наадам 10 дахь жилдээ болно
МОНГОЛЫН МЭДЭЭ | СОЁЛ УРЛАГТөрийн шагналт, яруу найрагч Р.Чойномын мэндэлсний 80 жилийн ойд зориулсан эрх чөлөө, чөлөөт сэтгэлгээний яруу найргийг хөгжүүлэх, уран зохиолын уулзалт, ном соёлын үйл ажиллагааг хөгжүүлэн дэлгэрүүлэх зорилгоор “Оюухай 2016” наадмыг арав дахь жилдээ зохион байгуулах гэж байна.
Тус наадмыг Р.Чойномын өвийг хамгаалах “Өд” сан, Хэнтий аймгийн Дархан сумын ИТХ, ЗДТГ, Улаанбаатар хот дахь нутгийн зөвлөл, МЗЭ, Монголын Үндэсний чөлөөт зохиолчдын холбоо хамтран зохион байгуулах юм.
Судлаач, яруу найрагчид, уншигчдын төлөөллөөс бүрдсэн баг хоёрдугаар шатанд оролцох 20 яруу найрагчийг шалгаруулна.
Шалгарсан 20 уран бүтээлч найрагчийн төрсөн нутаг Хэнтий аймгийн Дархан суманд энэ сарын 23-24-нд болох тус наадмын Алтан цомын эзэн тодруулах ёслолын ажиллагаанд оролцох юм.
Ж.Болор
