Автомашингүй өдрөөр цахилгаан скүүтэр, суррон мотоцикл хэрэглэхийг хориглоно

oyundelger@montsame.gov.mn

2023-09-20 16:26:57

Улаанбаатар /МОНЦАМЭ/. Энэ удаагийн автомашингүй өдрөөр унадаг дугуй, тавцант тэшүүр /skateboard/-ээс бусад дугуйт хэрэгсэл болох цахилгаан скүүтэр, цахилгаан унадаг дугуй /суррон мотоцикл/ зэргийн хэрэглээг хориглоно.

Автомашины хөдөлгөөнийг хязгаарлах бүсэд амьдардаг иргэдийг машинаа зогсоолд байршуулахдаа зам хаах цагийн хуваарийг харгалзан үзэхийг Тээврийн цагдаагийн албаны Урьдчилан сэргийлэх хэлтсийн ахлах мэргэжилтэн Г.Отгонтамир зөвлөөд, бага насны хүүхдийг хараа хяналтгүй орхихгүй, халаасны хулгайн гэмт хэргээс урьдчилан сэргийлэхийг анхаарууллаа.

Дэлхий нийтийн нас баралтын тэргүүлэх 10 шалтгаанд зам тээврийн осол багтдаг. Иймд зам тээврийн ослоос сэргийлэх, иргэдэд автомашинаас татгалзахыг уриалахаар автомашингүй өдрийг жилд хоёр удаа зохион байгуулдаг. Энэ оны эхний өдрийг зургаадугаар сарын 3-нд зохион байгуулахад ТЦА-ны Шуурхай удирдлагын хэлтэст зам тээврийн ослын 142 дуудлага, мэдээлэл иржээ. Энэ нь энгийн үеийнхээс 40-50 хувиар буурсан үзүүлэлт боловч 2-10 насны 12 хүүхэд унадаг дугуйнд мөргүүлж, гэмтсэн аж.

Автомашингүй өдрөөр цахилгаан скүүтэр, суррон мотоцикл хэрэглэхийг хориглоно

Холбоотой мэдээ

Барилга, дэд бүтцийн салбарын гэрээний маргааныг шуурхай хугацаанд шийдвэрлэх боломжтой боллоо

Нийтийн тээврийн зарим чиглэлд автобусны үйлчилгээ эхлэх цагийг урагшлуулжээ

Чехийн Пардубицэ хотод монгол хэл, өв соёлын “Mon Week School” төв үүдээ нээв

“С.Дашдооров” эрдэм шинжлэлийн уралдааны шилдгүүд шагналаа гардав

20 байршилд 15 нэр зүйлийн 321 мянган цэцэг суулгана

Шинээр томилогдсон НҮБ-ын Хүнс, хөдөө аж ахуйн байгууллагын Монгол дахь Суурин төлөөлөгч ажилдаа орлоо

Монгол Улс “Ази тивийн хүнс, хөдөө аж ахуйн хамтын ажиллагааны санаачилга”-ын дэд даргалагч орноор томилогдлоо

“Амьд ертөнцийн спектр” үзэсгэлэнг 5000 гаруй үзэгч үзэж сонирхжээ

Халамжийг зорилтот бүлэгт чиглүүлж, нэр төрөл, хамрах хүрээг оновчтой болгоно

бидэнтэй нэгдэх

Хандалт