Улаанбаатар
Копа Америка: Аргентины хөлбөмбөгчид финалд шалгарлаа
ДЭЛХИЙН МЭДЭЭ | СПОРТ
ВАШИНГТОН, 2024 оны долоодугаар сарын 10 /CTV/. Америкийн цомын тэмцээний хагас шигшээ тоглолтод Аргентины шигшээ баг Канадын багийг 2:0-ээр хожлоо. Тоглолт АНУ-ын Нью Жерси муж улсын Ист-Ратерфорд хотод болсон байна.
Аргентины шигшээ багаас Хулиан Альварес (22 дахь минут), Лионель Месси (51 дэх минут) нар гоолджээ. Л.Месси энэ удаагийн тэмцээнд анхны гоолоо орууллаа.
Финалын тоглолтод аргентинчууд Уругвай, Колумбийн шигшээ багуудын аль хожсонтой тоглох бөгөөд эдгээр багийн хагас шигшээгийн тоглолт долоодугаар сарын 11-нд болно.
2024 оны Америк тивийн хөл бөмбөгийн аварга баг долоодугаар сарын 15-нд тодорно. Аваргын төлөөх тоглолт Майами-Гарденс хотод (Флорида, АНУ), гуравдугаар байрын төлөөх тоглолт 10-нд Шарлотт хотод (Хойд Каролина, АНУ) болно.
