Улаанбаатар
ДУНДГОВЬ: Нийт нутгийн 15 хувьд зуншлага сайн байна
ОРОН НУТГИЙН МЭДЭЭ | ДУНДГОВЬ
Мандалговь, 2024 оны наймдугаар сарын 6 /МОНЦАМЭ/. Энэ оны 7 дугаар сарын
31-ний байдлаар Дундговь аймгийн нийт нутгийн 15 орчим хувьд зуншлага сайн, 5
орчим хувьд тааруу, бусад нутгаар дунд зэрэг байна.
Тодруулбал, Дэрэн, Говь-Угтаал сумын нутгаар зуншлага сайн, Сайхан-Овоо сумын баруун, өмнө талаар тааруу, бусад нутгаар дундаж түвшинд байна.
УЦУОШТ-ийн мэдээлснээр, энэ
зун тус аймагт 5-16 удаа 30,1- 120,6 мм хур тунадас орж, ургамлын ургалт сэргэж
байна. Ургамлын өндөр дунджаар 4-10 см, ургац 0,3- 2,6 ц/га болжээ.
Олон жилийн дундажтай
харьцуулахад Сайхан-Овоо суманд 30,1 мм буюу олон жилийн дунджийн орчим, Адаацаг, Луус, Говь-Угтаал, Цагаандэлгэр сумын
нутагт 101,0- 120,6 мм, бусад нутгаар
34,2- 82,7 мм буюу олон жилийн дунджаас ахиу хур тунадас орсон.
7 дугаар сард агаарын
дундаж хэм тус аймгийн нийт нутгаар 20,5-23,8 байсан нь олон жилийн дундажтай
харьцуулахад 1,1-2,1 хэмээр дулаан байлаа. Гэхдээ 8- 20 өдөр 30-аас дээш хэмд
хүрч халсан байна.
