Улаанбаатар
ДУНДГОВЬ: Ахмадын спортын IV бага наадамд 192 тамирчин оролцлоо
ОРОН НУТГИЙН МЭДЭЭ | ДУНДГОВЬ
Мандалговь, 2024 оны наймдугаар сарын 13 /МОНЦАМЭ/. Дундговь аймгийн
Ахмадын спортын IV бага наадамд 15 сумын 192 ахмад тамирчин оролцож, спортын 7 төрлөөр хурд хүч, авъяас, чадвараа
сорин өрсөлдлөө.
Спортын бага наадамд 70-79 насны 23, 80-аас дээш насны 3 тамирчин оролцжээ. Тус наадамд оролцох тамирчдын бүрэлдэхүүнд спортын мастер 8, спортын дэд мастер 3, спортын зэрэгтэй тамирчин 7, Монгол Улсын харьшгүй мэргэн 3, аймгийн гоц мэргэн 3 байв.
Бага наадмын софт
волейболын төрөлд Дэлгэрхангай сумын баг түрүүлж, Эрдэнэдалай Сайнцагаан сумын
баг удаах байруудад шалгарсан бол гранд гольфын төрөлд Сайнцагаан сумын баг
түрүүлж, Гурвансайхан, Дэлгэрцогт сумын баг удаалжээ.
Харин цэнгээнт бүжгийн 55-60 насны хосын төрөлд Сайнцагаан сумын ахмад настан Ё.Эрдэнэбилэг, Н.Өлзий-орших нар түрүүлж, Эрдэнэдалай, Сайхан-Овоо сумын бүжгийн хосууд удаалсан бол, 60-аас дээш насны хосын төрөлд Өлзийт сумаас оролцогч С.Бямбацогт, Ж.Хоролмаа нар түрүүлж, Сайнцагаан, Гурвансайхан сумын бүжгийн хосууд удаах байрт шалгарчээ.
Тэмцээний нийлбэр
дүнгээр Сайнцагаан сумын баг тамирчид түрүүлж, Өндөршил, Хулд сумын баг удаах
байрт шалгарч, Гурвансайхан сумын баг тусгай байр эзэлжээ.
Бага наадмын ганцаарчилсан төрөлд дараах тамирчид шалгарлаа.
