Улаанбаатар
“Олимпын сүнс: Ялалт ба ялагдлын цаана” нэртэй олон улсын уралдаан зарлажээ
МОНГОЛЫН МЭДЭЭ | СПОРТ
Улаанбаатар, 2024 оны арваннэгдүгээр сарын 27 /МОНЦАМЭ/. Гэрэл зураг сонирхогчдын “Гилавар” клубээс мэргэжлийн гэрэл зурагчдын дунд “Олимпын сүнс: Ялалт ба ялагдлын цаана” нэртэй олон улсын уралдаан зарлажээ.
Энэхүү уралдааны зорилго нь спортын жинхэнэ мөн чанар, олимпод оролцож буй тамирчдын үйл хөдлөл, сэтгэл хөдөлгөсөн мөч, олимпын наадам сурвалжилдаг гэрэл зурагчдын ур чадварыг дэлхий нийтэд таниулах зорилготой аж. Уралдаанд зөвхөн “Парис-2024” зуны олимп, паралимпын наадмын үеэр авсан зургуудаас хүлээн авах юм байна.
Оролцогчид уралдаанд сойх бүтээлээ ирүүлэхдээ тамирчдын ялалтын бахархал, ялагдлын тэсвэр хатуужил, сэтгэл зүй, наадмын мартагдашгүй мөчүүд, хөнгөн атлетикийн амин сүнс, спортын шударга өрсөлдөөн, ёс зүйг сурталчилсан сэдвийн хүрээнд гэрэл зургаа явуулах боломжтой ажээ.
Олон улсын гэрэл зургийн уралдаанд оролцохыг хүсэгчид sport.gilavar.net цахим хаягаар дэлгэрэнгүй мэдээлэл авах
боломжтой байна.
