Улаанбаатар
БАЯНХОНГОР: Уулархаг нутгийн зарим газраар цас орно
ОРОН НУТГИЙН МЭДЭЭ | БАЯНХОНГОР
Баянхонгор, 2024 оны арванхоёрдугаар сарын 31 /МОНЦАМЭ/. Он солигдох үеэр зарим газраар цас орж, говийн нутгаар салхи шуурга ихтэй, нийт нутгаар хүйтэн байхыг аймгийн УЦУОША-наас мэдээлэв.
Тус газраас энэ долоо хоногийг дуусталх хугацааны цаг агаарын урьдчилсан мэдээгээр 31-нд уулархаг нутгийн зарим газраар ялимгүй цас орно, бусад нутгаар цас орохгүй.
Салхи: Нэгдүгээр сарын 1, 4-нд Алтайн салбар уулсын нутгаар 10-12 м/с, түр зуур 16 м/с хүрч ширүүсч, цасан шуурга шуурна. Бусад хугацаанд нийт нутгаар баруунаас 4-9 м/с.
Агаарын температур: Нэгдүгээр сарын 1, 2-нд хуйтний эрч чангарч, Баянбулаг, Гурванбулаг, Заг, Байдрагийн хүрэн бэлчрээр шөнөдөө -34-39 градус, өдөртөө - 14-19 градус, Галуут, Эрдэнэцогт, Шаргалжуутын нутгаар шөнөдөө -25-30 градус, өдөртөө -10-15 градус, бусад нуттаар шөнөдөө -22-27 градус, өдөртөө -8-13 градус хүйтэн байна.
Цаашдаа хүйтний эрч бага зэрэг суларна.
