Улаанбаатар
ДОРНОД: Спортын мастер Г.Баяндүүрэнг хүлээн авч уулзлаа
ОРОН НУТГИЙН МЭДЭЭ | ДОРНОД
Чойбалсан, 2021 оны 12 дугаар сарын 31 /МОНЦАМЭ/. Өнөөдөр аймгийн Засаг даргын орлогч Ч.Ганбат Самбо бөхийн олон улсын хэмжээний мастер, “Янгир хайрхан” ХХК-ийн тамирчин Гантөмөрийн Баяндүүрэнг хүлээн авч уулзлаа.
Түүний хувьд хүүхэд байхаасаа үндэсний бөх, жудо, самбо, жюү жицү, байлдааны самбо, холимог тулааны төрлөөр хичээллэж, тив, дэлхийн тэмцээнээс 5 алт, 2 мөнгө, 6 хүрэл медаль, байлдааны самбогийн улсын таван удаагийн аварга, Монгол тулааны гардан тулааны аварга, Жюү жицүгийн улсын таван удаагийн аваргаар шалгарсан шилдэг залуу тамирчин юм.
Мөн өнгөрсөн сард Киргиз улсын Бишкек хотноо болсон Байлдааны самбо бөхийн дэлхийн аварга шалгаруулах тэмцээний хошой аваргын амжилтыг үзүүлээд байна. Өмнө нь 2022 онд тус тэмцээнээс алтан медаль хүртэж байжээ.
