Улаанбаатар
БУЛГАН: Хамтдаа бүтээсэн 100 жил
ОРОН НУТГИЙН МЭДЭЭ | БУЛГАН
Булган, 2025 оны нэгдүгээр сарын 13 /МОНЦАМЭ/. Булган аймгийн Ерөнхий боловсролын 1 дүгээр сургуулийн түүхт 100 жилийн ойг угтсан “Зууны төгсөгчид” волейболын тэмцээн нэгдүгээр сарын 9-11-нд боллоо.
Энэхүү волейболын тэмцээн нь Төгсөгчдийн холбооны 100 жил угтсан анхны ажил бөгөөд 1953-2024 оны төгсөгчдийн хооронд 4 насны ангиллаар зохион байгуулсан байна.
Түүхт сургуулийнхаа 100 жилийн ойг угтсан анхны үйл ажиллагаанд Улаанбаатар хот, Өмнөговь, Дархан, Дорнод, Орхон, Төв аймаг, гадаад, дотоодод тархан суурьшсан төгсөгчдийн төлөөлөл 700 гаруй тамирчин хүрэлцэн ирж, 91 баг өрсөлдсөн байна.
Булган аймгийн Булган сумын ерөнхий боловсролын 1 дүгээр сургууль нь 1925 онд анх байгуулагдсан бөгөөд 2025 оны 7 сард хамтдаа бүтээсэн 100 жилийн түүхээ тэмдэглэх юм.
Ерөнхий боловсролын нэгдүгээр сургуулийн 10-р ангийн 1952 оноос өдгөөг хүртэл 73 үеийн 300-гаад анги хамт олон, арван мянга гаруй сурагч төгсөн байна.
