Улаанбаатар
УВС: Аймгийн нийт нутгаар 24-36 хэмийн хүйтэн байна
ОРОН НУТГИЙН МЭДЭЭ | УВС
Улаангом. 2025 оны нэгдүгээр сарын 16 /МОНЦАМЭ/. Өнөөдрийн 13 цагийн байдлаар Увс аймгийн нийт нутгаар 24-36 хэмийн хүйтэн байна.
Өнгөрсөн шөнө Увс нуур, Тэс голын сав газраар 35-44 градусын хүйтэн хоножээ. Тухайлбал, Улаангом суманд 40, Тэс суманд 43, Зүүнговь суманд 44 градусын хүйтэн хоносон байна. Маргаашаас хүйтний эрч бага зэрэг сулрах бөгөөд аймгийн нийт нутгаар өдөртөө 25-30, шөнөдөө 35-43 градусын хүйтэн байх төлөвтэй байна.
Одоогоор цасны зузаан Улаангом суманд хамгийн зузаан, 17 см байгаа бол Хяргас сумын нутагт 16 см, Тэс, Малчин суманд 15 см байна. Харин Өлгий, Цагаанхайрхан сум хамгийн бага буюу 1-2 см зузаан цастай байна.
Аймгийн 19 сумаас Өндөрхангай суманд хүйтний эрч хамгийн сул байна. Тус суманд өдөртөө 13,
шөнөдөө 24 градус хүйтэн байгаа юм.
