Улаанбаатар
ДОРНОГОВЬ: Ирж яваа цагийн өнгө, шинэ төл
ФОТО МЭДЭЭ
Сайншанд, 2025 оны нэгдүгээр сарын 29 /МОНЦАМЭ/. Дорноговь аймгийн төв Сайншанд сумаас баруун хойш 70 гаруй км-т Олдохын тал хэмээх мал бэлчээрлэхэд таатай нутаг байдаг. Энд тус аймгийн Сайхандулаан, Айраг сумын малчид нутагладаг. Шинэ төлийг зурагласнаа хүргэж байна.
Хэдхэн хоногийн өмнө орсон цаснаар Олдохын талд шинэ төл мэндэлжээ. Хар халзан хонь хургалж шар халзан хурга гаргасан байна. Эх нь жилбэ сайтай тул хурга ч товир гарчээ. Дорноговь аймгийн нутгаар энэ жил цас багатай, бэлчээр хүрэлцээтэй, дулаахан сайхан өвөл болж байна. Тус аймаг өнгөрсөн жил 1.4 сая толгой мал тоолуулсан нь өмнөх оныхоос 800 орчмоор буурсан юм. Харин 660 орчим мянган толгой хонь буйгаас тал орчим нь төллөх юм.
