Улаанбаатар
Мөсний шагайн харваа тэмцээн зохион байгууллаа
МОНГОЛЫН МЭДЭЭ | СПОРТ
Улаанбаатар, 2025 оны хоёрдугаар сарын 22 /МОНЦАМЭ/. НИТХ, НЗДТГ, Монголын Үндэсний Мөсний шагайн холбоо хамтран анх удаа нийслэлийн мөсний шагай сонирхогчдын аварга шалгаруулах харваа тэмцээнийг зохион байгууллаа.
Олон зуун жилийн түүхтэй, уламжлалт мөсний шагайн харвааг
сэргээн хөгжүүлэх, харваачдын залгамж үеийг бэлтгэх, олон нийтэд сурталчлан,
цаашид төгөлдөржин хөгжих үндэс, нөхцөлийг бий болгох зорилгоор тэмцээнийг энэ
сарын 12-22-нд Туул, Дунд, Сэлбэ, Улиастайн гол дээр зохион байгуулав.
Тэмцээнд нийслэлийн төвийн зургаан дүүргийн 189 хорооны иргэд, тодруулбал, баг тус бүр хоёр хүний бүрэлдэхүүнтэй буюу 189 багийн 378 сонирхогч оролцож байна. Дүүрэг бүрээс оролцсон хамгийн их оноотой шилдэг таван баг “Үндэсний цэцэрлэгт хүрээлэн”-д зохион байгуулж буй мөсний шагай сонирхогчдын аварга шалгаруулах харваа тэмцээнд оролцон, аваргаа шалгаруулахыг НЗДТГ-ын ХМОНХХ мэдээллээ.
