Улаанбаатар, 2025 оны хоёрдугаар сарын 24 /МОНЦАМЭ/. Өнөөдөр болох үйл явдлын тойм:

УИХ-ын дарга Д.Амарбаясгалан Бүх Хятадын Ардын Төлөөлөгчдийн Их Хурлын Байнгын хорооны дарга Жао Лөжи-гийн урилгаар БНХАУ-д энэ сарын 24-27-нд албан ёсны айлчлал хийнэ.

9:00 цагт: Монгол Улс-Уур амьсгалын сан олон талт хэлэлцүүлэг Новотел зочид буудалд эхэлнэ.

11:00 цагт: УИХ-ын чуулганы танхимын үүдэнд УИХ-ын гишүүн Д.Энхтуяа, Ж.Баясгалан, О.Саранчулуун, С.Эрдэнэбат, М.Нарантуяа нар Ахмад настан, хөгжлийн бэрхшээлтэй иргэдийн асрахуй, сувилахуйн асуудлаар хэвлэлийн хурал хийнэ.

11:00 цагт: Кибер халдлага, зөрчилтэй тэмцэх нийтийн төв, Аюулгүй байдал судлалын хүрээлэн хамтын ажиллагааны санамж бичигт Баянгол зочид буудлын хойно байрлах Корпорэйт зочид буудалд гарын үсэг зурна. Утас: 94999598

11:00 цагт: Сар шинийн баяр, амралтын өдрүүдийн аюулгүй байдлын сэрэмжлүүлэг, “Дөрвөн асуудал-Нэг шийдэл” аяны талаар НОБГ, Нийтийн тээврийн бодлогын газар, БОГ, УБХЗАА-ны Сайжруулсан шахмал түлшний хяналтын хэлтэс НОБГ-т мэдээлэл хийнэ. Утас: 99107367

11:30 цагт: Монголын хүний төлөө намаас Засгийн газрыг огцруулах хууль зүйн үндэслэлийг “Зууны мэдээ” сонины Үндэсний мэдээллийн төвд танилцуулна. Утас: 99790206, 80190070

16:00 цагт: Монгол Улс-Уур амьсгалын сан олон талт хэлэлцүүлгийн үеэр БОУАӨ-ийн сайд С.Одонтуяа Казакстаны Байгаль орчны сайдтай Новотел зочид буудалд уулзана. 

17:00 цагт: ГрандАвардс-2024 шагнал гардуулах ёслол Миллиониум плазагийн 6 давхарт болно. 

-Сондгой тоогоор төгссөн дугаартай машин өнөөдөр авто замын хөдөлгөөнд оролцоно.

-Тарвалин хийдийн нэрэмжит Сар шинийн баярт зориулсан сумын цолтон, залуу бөхчүүдийн уламжлалт барилдаан болно.

-Нөөцийн махыг хоёрдугаар сарын 7-ноос эхлэн 446 хүнсний дэлгүүрээр худалдаж байна.

-“Амар байна уу” үзэсгэлэн худалдаа энэ сарын 27-ныг дуустал “Соёолж молл”, "Их наяд” худалдааны төвд гарч байна.

-МҮЭ-ийн Соёлын төв ордоноос жил бүр уламжлал болгон зохион байгуулдаг "Миний Монгол-2025" үзэсгэлэн худалдаа энэ сарын 28-ныг хүртэл үргэлжилнэ.

-“Энэтхэгийн соёл, гар урлалын үзэсгэлэн” Г.Занабазарын нэрэмжит Дүрслэх урлагийн музейд гуравдугаар сарын 1-нийг хүртэл гарч байна.

-Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн "Чингис хаан" Үндэсний музейд 3 дугаар сарын 12-ныг хүртэл гарч байна.

Орон нутагт:

-Төв аймгийн ЗДТГ-т Хөдөлмөрийн аваргуудад шагнал гардуулна.

-Сэлэнгэ аймгийн удирдах ажилтны зөвлөгөөн болно.

-Завхан аймаг Улиастай суманд сар шинийн баярт зориулсан, тус аймгийн 24 сум болон Говь-Алтай, Ховд, Архангай, Увс аймгийн ЖДҮ эрхлэгчид оролцсон үзэсгэлэн худалдаа энэ сарын 21-24-нд болж байна.

Хилийн чанадад:

-“Монгол хэл, бичиг” үзэсгэлэнг Тайвань, БНСУ-ын Сөүл, Япон улсын Токио хотод нэгдүгээр сарын 15-наас 2 дугаар сарын 25-нд тус тус зохион байгуулж байна.

-Олон улсын шатрын холбооны 2024-2025 оны эмэгтэйчүүдийн Гран при тойргийн тэмцээний 3 дугаар цуврал Монако вант улсын Монте-Карло хотноо 2 дугаар сарын 17-28-нд болж байна. Дэлхийн шилдэг 20 эмэгтэй тамирчин өрсөлдөж буй энэ тэмцээнд Монголоос ОУХМ Б.Мөнгөнтуул оролцож байна.