Улаанбаатар
ДАРХАН-УУЛ: Үер, усны аюулаас урьдчилан сэргийлж далан, шуудууг цэвэрлэж байна
ОРОН НУТГИЙН МЭДЭЭ | ДАРХАН-УУЛ
Дархан, 2025 оны дөрөвдүгээр сарын 2 /МОНЦАМЭ/. Хаврын их цэвэрлэгээний хүрээнд “Дарханы дулааны цахилгаан станц” ТӨХК-аас Дархан сумын 15 дугаар багийн нутаг дэвсгэр дэх 4100 метр үргэлжлэх үерийн далан шуудууг цэвэрлэж байна. Байгалийн давагдашгүй хүчин зүйл, үер усны аюулаас урьдчилан сэргийлэх үүднээс далан, шуудууг ус чөлөөтэй нэвтрүүлэхэд анхаарч жил бүр цэвэрлэдэг.
Үерийн далан, шуудуунд ихэвчлэн иргэдийн хаясан ахуйн хог хаягдал байгааг цэвэрлэгээ хийж буй ААН-ийн ажилтнууд онцолж байна.
Хэрэв дээрх далангийн ус нэвтрэх байдлыг хангаж чадаагүй тохиолдолд тус багийн айлууд усанд автах эрсдэлтэй. Дархан сумын 15 дугаар баг нь улсын хэмжээнд хамгийн их хүн амтай буюу арван мянга орчим оршин суугчтай юм.
“Дарханы дулааны цахилгаан станц”
ТӨХК-иас 20 хүний бүрэлдэхүүнтэй, таван техник хэрэгсэлтэй цэвэрлэгээ хийж
байна.
Болзошгүй үер усны аюулаас урьдчилан
сэргийлж ахуйн хог хаягдлаа үерийн далан, шуудуунд хаяхгүй байхыг аймгийн ОБГ-аас анхааруулав.
