Улаанбаатар
ОБЕГ-ын дарга, хошууч генерал Г.Ариунбуян Булган аймагт ажиллаж байна
ОРОН НУТГИЙН МЭДЭЭ | БУЛГАН
Булган, 2025 оны дөрөвдүгээр сарын 2 /МОНЦАМЭ/. Булган аймгийн Засаг дарга Д.Пүрэв-Очир Онцгой байдлын ерөнхий газрын дарга, хошууч генерал Г.Ариунбуяныг хүлээн авч уулзлаа.
Уулзалтын үеэр Засаг дарга Д.Пүрэв-Очир, "Булган аймгийн өвөлжилт өнтэй болж, хаваржилт таатай эхэлж байгааг дуулган, цаг үеийн нөхцөл байдлыг танилцуулан, Онцгой байдлын ерөнхий газраас Булган аймагт онцгойлон анхаарч ажиллах санал дэвшүүлэн, биечлэн ажиллаж байгаад талархал илэрхийллээ.
Уулзалтын дараа Булган
аймгийн Онцгой комисс бүрэн бүрэлдэхүүнээрээ хуралдаж, аймгийн гамшгаас
хамгаалах үйл ажиллагааны чиглэлээр авч хэрэгжүүлж буй арга хэмжээ, цаг үеийн
нөхцөл байдлыг танилцууллаа.
УОК-ын дэд дарга, ОБЕГ-ын дарга, Хошууч генерал Г.Ариунбуян, "Байгууллага хоорондын харилцаа хамтын ажиллагааг сайжруулах, гамшгийн голомтод хариу арга хэмжээг үр дүнтэй зохион байгуулах чиглэлээр сайн ажиллаж байна" гэж дүгнэж байна.
ОБЕГ-ын дарга хошууч генерал Г.Ариунбуян цаг үеийн асуудлаар 16 үүрэг бүхий чиглэлийг өгснөөр албаны уулзалт өндөрлөсөн байна.
