Улаанбаатар
СЭЛЭНГЭ: "Сувдан инээмсэглэл" шүд угаалтын бүсийн аваргууд тодорлоо
ОРОН НУТГИЙН МЭДЭЭ | СЭЛЭНГЭ
Сүхбаатар,
2025 оны дөрөвдүгээр сарын 25
/МОНЦАМЭ/. Монгол Улсын Засгийн газар ЭМЯ-наас зарласан “24/3 шүдээ
угаа” аяны хүрээнд Сэлэнгэ аймгийн Засаг дарга Н.Лхагвадоржийн ивээл дор “Сувдан
инээмсэглэл” шүд угаалтын аварга шалгаруулах тэмцээнийг өнөөдөр бүсчлэн зохион
байгууллаа.
Тэмцээний Хараа бүсэд 9 сургуулийн 72
сурагч оролцож, Мандал сумын Хэрх тосгоны ЕБ-ын сургууль тэргүүлж, Мандал сумын
2-р сургууль дэд байрт шалгарлаа.
Мөн тэмцээний Хөтөл бүсэд 8 сургуулийн
64 сурагч оролцож, Орхонтуул сумын Рашаант тосгоны ЕБС тэргүүлж, удаах байрт Сайхан
сумын ЕБ-ын 1-р сургууль шалгарав.
Сүхбаатар бүсийн тэмцээнд ЕБ-ын 7
сургуулийн 56 сурагч өрсөлдөж, Сүхбаатар сумын ЕБ-ын 1 дүгээр сургууль
тэргүүлж, ЕБ-ын 3 дугаар сургууль удааллаа.
Цагааннуур, Ерөө бүсийн тэмцээн энэ сарын 29-ний өдөр болно.
Тэмцээний 1, 2 дугаар байрт шалгарсан багууд ирэх сарын 5-ны өдөр болох аймгийн аваргын төлөө өрсөлдөнө.
