Улаанбаатар
"Бавариа" шинэ улирлыг эрч хүчтэйгээр эхлүүллээ
ДЭЛХИЙН МЭДЭЭ | СПОРТ
МОСКВА, 2025 оны наймдугаар сарын
23 /РИА Новости/. Германы аварга шалгаруулах тэмцээний 2025/26 оны улирлын
эхний тоглолтод Мюнхений “Бавариа” баг “Лейпциг”-ийг 6:0-ээр бутниргэлээ.
Мюнхен хотноо болсон тоглолтод Францын
Майкл Олисе 27 ба 52 минутанд гоол оруулж, дубль хийсэн бол ихээхэн хэмжээний
мөнгөөр “Бавариа”-д шилжин ирсэн
Колумбын тоглогч Луис Диас анхны гоолоо хийв. Харин тоглолтын хоёрдугаар үеийн
64, 74, 78 дахь минутанд тус багийн шилдэг мэргэн бууч Харри Кейн гурван гоол
оруулснаар хет-трик хийлээ. Үүнээс хоёр гоолыг оруулахад нь Луис Диас оновчтой
дамжуулалт өгсөн байна. Харригийн хувьд энэ нь өнгөрсөн оны 11 дүгээр сараас
хойших анхны, “Бавариа”-д тоглохдоо хийсэн 9 дэхь хет-трик юм.
Ийнхүү баваричууд шинэ улирлыг үнэхээр
төгс байдлаар эрч хүчтэйгээр эхлүүллээ. Венсан Компанигийн дасгалжуулсан тус баг өнгөрсөн долоо
хоногийн сүүлчээр “Штутгарт”-ыг талбайд нь 2:1-ээр хожсоноор Германы Супер
цомын эзэн болсон билээ.
Одоо хоёрдугаар тойрогт “Бавариа”
баг “Аугсбург”-ийн талбайд 30-ны өдөр тоглоно.
