Улаанбаатар
Шадар сайд Сэлэнгэ аймагт ажиллаж байна
МОНГОЛЫН МЭДЭЭ | ХУУЛЬШадар сайд У.Хүрэлсүхээр ахлуулсан Улсын онцгой комиссын баг өнөөдөр Сэлэнгэ аймгийн Мандал суманд ажиллаж байна.
Мандал сумын хэмжээнд 113820 толгой мал өвөлжиж байгаагаас 50 хувь нь нэмэгдэл тэжээлд оржээ. Одоогийн байдлаар сумын малчин өрхүүд 2800 тонн өвс, 190 тонн орчим тэжээлийн нөөцтэй байна.
Улсын онцгой комиссын багаас тус суманд 40 тонн өвс, 20 тонн тэжээл, малын эм био бэлдмэл, бусад шаардлагатай бараа материалыг улсын нөөцөөс хуваарилж, хүлээлгэн өглөө.
Шадар сайд У.Хүрэлсүх цагийн байдал амаргүй бэрхшээлтэй ч малчдыг өвөл, хаврыг өнтэй давахыг хүсч, аймаг сумын удирдлагуудыг ажилдаа хариуцлагатай байж, малчин ард иргэдээ эргэж тойрох, эмнэлгийн яаралтай тусламжийг шуурхай хүргэж байхыг хүссэн юм.
Б.Туул
