Улаанбаатар
АН-ын VII их хурлаар намын даргаа батламжилж, дүрмээ батална
МОНГОЛЫН МЭДЭЭ | УЛС ТӨРАН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр, Үндсэн дүрэм боловсруулах ажлын хэсгийн ахлагч Ш.Түвдэндорж нар өнөөдөр цаг үеийн асуудлаар сэтгүүлчдэд мэдээлэл хийв.
АН-ын Ерөнхий нарийн бичгийн даргын үүрэг гүйцэтгэгч Л.Эрхэмбаяр, “Энэ сарын 12-нд намын VII их хурал болно. Энэ хурлаар хоёр асуудал хэлэлцэнэ. Нэгдүгээрт АН-ын даргыг албан ёсоор батламжлах, хоёрдугаарт намын шинэчилсэн дүрмийн төслийг хэлэлцэн батална” гэв.
Үндсэн дүрэм боловсруулах ажлын хэсгийн ахлагч Ш.Түвдэндорж, "АН-ын дүрмийн төслийг маш олон сарын хугацаанд боловсруулсан. Шинэчилсэн дүрмийн төслийг орон даяар нийт гишүүдийн дунд хэлцүүлэх шийдвэрийг Гүйцэтгэх зөвлөлөөс гаргасан. Үүний дагуу 21 аймаг, 9 дүүргийн АН-ын намын гишүүд дэмжигчдийн дунд хэлцүүлж байна. Ийнхүү бүх гишүүдээс гарсан санал хүсэлтийг дүрэмд тусгаад намын их хурлаар батална" гэлээ.
Б.Гаваа
Гэрэл зургийг Н.Батбаяр
