Суллагдсан иргэд хэрэг зөрчил гаргаагүй
МОНГОЛЫН МЭДЭЭ | ХУУЛЬӨршөөлөөр суллагдаж байгаа иргэдээс болгоомжилсон, айж бэргэсэн хүн цөөнгүй. Цагдаагийн газраас иргэдийг тайвшруулах зорилгоор мэдээлэл лавлагаа авлаа.
ЦЕГ-ын ХМТ-ийн ажилтан, цагдаагийн ахмад Д.Оюун "Одоогоор суллагдсан иргэдээс нэг ч зөрчил, гэмт хэргийн шинжтэй үйлдэл гаргаагүй байгаа. Өмнөх туршлагаас үзвэл, өршөөлийн хуульд хамрагдсан иргэдийн 7-8 хувь нь дахин гэмт хэрэгт холбогддог болохоос суллагдуутаа гэмт хэрэг хийдэггүй" гэсэн хариу өгөв. Дархан-Уул, Орхон аймагт сууллагдсан залуус зодоон хийсэн гэх мэдээлэл худлаа аж. ШШГЕГ-ын дэд дарга Г.Туулхүүгийн мэдээлснээр нийт 2017 хүн суллагдсан. Үүний 18 нь хүүхэд, 108 нь эмэгтэй юм байна.
Ж.Батсайхан