Халхгол сум цагаанаар зудархуу байна

ОРОН НУТГИЙН МЭДЭЭ | ДОРНОД
167@montsame.mn
2018-01-03 23:41:44
Дорнод /МОНЦАМЭ/. Дорнод аймгийн нутгийн дийлэнхэд нь цасгүй өвөл болж байгаа ч Халхгол суманд олон жилийн дунджаас ахиу хэмжээний цас орсноор цагаанаар зудархуу ангилалд багтаад байна.
Түүнчлэн Эрээнцав сумын нутагт цас ахиу оржээ. Харин Дашбалбар сум олон жилийн дунджийн орчим байгаа бол Баян-Уул, Хөлөнбуйр сумдад гялтайх цасгүй, бусад суманд бага хэмжээний хур тунадас оржээ.
Зудыг хар болон цагаан гэж ангилдаг. Цагаан зуд нь цагаанаар зудархуу, цагаан зуд гэсэн ангилалтай байдаг. Цагаанаар зудархуу гэдэг нь цасны нягт 0.20-0.24 г/см.куб, цасны зузаан 16 см-ээс их байхыг хэлдэг аж. Халхгол суманд цасны дундаж зузаан 19 см байгаа тул цагаанаар зудархуу гэж үзсэн байна.
Иймд тус суманд цаашид байдал хүндрэхээс урьдчилан сэргийлэх бүхий л арга хэмжээг авч ажиллахыг аймгийн Засаг дарга холбогдох байгууллагуудад үүрэгдлээ.
Д.Дэлгэрмаа
Холбоотой мэдээ