Улаанбаатар
Дархан-Уул аймагт “Цахилгааны мэргэжлийн чадамж олгох сургалтын төв” нээгдлээ
ОРОН НУТГИЙН МЭДЭЭ | ДАРХАН-УУЛ
Дархан-Уул /МОНЦАМЭ/.Цахилгаан дамжуулах үндэсний сүлжээ ТӨХК-ийн төвийн бүсийн салбар, Уул уурхай, эрчим хүчний политехник коллеж хамтран “Цахилгааны мэргэжлийн чадамж олгох сургалтын төв”-ийг энэ сарын 8-нд нээлээ.
Энэхүү үйлдвэр, дундын чадамжийн сургалтын төв нь Монголд анх удаа нээгдэж байгаагаараа онцлогтой аж. Мөн цахилгааны мэргэжлийн шинэ залуу, мэргэшсэн ажилтанг ажил олгогч байгууллагуудад давтан сургах шаардлагагүйгээр бэлтгэн өгөх, хөдөлмөрийн аюулгүй байдлыг хангасан орчин бүрдүүлснээрээ давуу талтай ажээ.
Тус төвийн нээлтийн үйл ажиллагаанд УИХ гишүүн Б.Саранчимэг, Мэргэжлийн боловсрол, сургалтын тухай хуулийн ажлын хэсгийн ахлагч, УИХ-ын гишүүн Д.Гантулга, ажлын хэсгийн гишүүд, ХБНГУ-ийн элчин сайдын яамны нэгдүгээр нарийн бичгийн дарга Доктор Кристиан Класс, аймгийн Засаг даргын орлогч А.Түвшинбат болон цахилгааны мэргэжлийн зөвлөлийн гишүүд оролцжээ.
Цахилгааны мэргэжлээр суралцаж байгаа сурагчид, шинээр ажилд орсон ажилчид байнгын ажиллагаатай цахилгаан байгууламжид зөвхөн алсаас л ажиглалт хийж тайлбарлуулдаг байсан бол уг төв ашиглалтад орсноор өнөөгийн эрчим хүчний салбарт ашиглагдаж буй цахилгаан байгууламжийн бүх тоног төхөөрөмжийн засвар үйлчилгээ, шуурхай залгалт зэргийг бодитоор туршиж үзэх боломжтой боллоо.
Цахилгааны мэргэжлийн чадамж олгох сургалтын төвийг Германы Олон Улсын Хамтын Ажиллагааны Нийгэмлэг санхүүжүүлж, дадлагажуулагч багш нарыг ХБНГУ-д мэргэшүүлж, мэргэжлийн багаж, хэрэгсэл, тоног төхөөрөмжөөр ханган ажиллахаар төлөвлөжээ.
Дархан-Уул аймагт Монголын ирээдүй болсон цахилгаанчдыг өндөр түвшинд бэлтгэх, мэргэжлийн цахилгаанчдын ур чадварыг нэмэгдүүлэх хамгийн бодит практикт суурилсан чадамжийн сургалтын төв ийнхүү нээгдлээ.
Энэхүү үйлдвэр, дундын чадамжийн сургалтын төв нь Монголд анх удаа нээгдэж байгаагаараа онцлогтой аж. Мөн цахилгааны мэргэжлийн шинэ залуу, мэргэшсэн ажилтанг ажил олгогч байгууллагуудад давтан сургах шаардлагагүйгээр бэлтгэн өгөх, хөдөлмөрийн аюулгүй байдлыг хангасан орчин бүрдүүлснээрээ давуу талтай ажээ.
Тус төвийн нээлтийн үйл ажиллагаанд УИХ гишүүн Б.Саранчимэг, Мэргэжлийн боловсрол, сургалтын тухай хуулийн ажлын хэсгийн ахлагч, УИХ-ын гишүүн Д.Гантулга, ажлын хэсгийн гишүүд, ХБНГУ-ийн элчин сайдын яамны нэгдүгээр нарийн бичгийн дарга Доктор Кристиан Класс, аймгийн Засаг даргын орлогч А.Түвшинбат болон цахилгааны мэргэжлийн зөвлөлийн гишүүд оролцжээ.
Цахилгааны мэргэжлээр суралцаж байгаа сурагчид, шинээр ажилд орсон ажилчид байнгын ажиллагаатай цахилгаан байгууламжид зөвхөн алсаас л ажиглалт хийж тайлбарлуулдаг байсан бол уг төв ашиглалтад орсноор өнөөгийн эрчим хүчний салбарт ашиглагдаж буй цахилгаан байгууламжийн бүх тоног төхөөрөмжийн засвар үйлчилгээ, шуурхай залгалт зэргийг бодитоор туршиж үзэх боломжтой боллоо.
Цахилгааны мэргэжлийн чадамж олгох сургалтын төвийг Германы Олон Улсын Хамтын Ажиллагааны Нийгэмлэг санхүүжүүлж, дадлагажуулагч багш нарыг ХБНГУ-д мэргэшүүлж, мэргэжлийн багаж, хэрэгсэл, тоног төхөөрөмжөөр ханган ажиллахаар төлөвлөжээ.
Дархан-Уул аймагт Монголын ирээдүй болсон цахилгаанчдыг өндөр түвшинд бэлтгэх, мэргэжлийн цахилгаанчдын ур чадварыг нэмэгдүүлэх хамгийн бодит практикт суурилсан чадамжийн сургалтын төв ийнхүү нээгдлээ.
Л.Отгонбаатар
