Улаанбаатар
“Хичээлийн шинэ жил-2018” үзэсгэлэн худалдаа болж байна
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/ Монголын үндэсний худалдаа аж үйлдвэрийн танхимын Говь-Алтай аймаг дахь салбар танхимаас 2018-2019 оны хичээлийн шинэ жил эхлэх гэж буйтай холбогдуулан Говь-Алтай аймгийн Алтай хотод 24, 25-ны өдрүүдэд “Хичээлийн шинэ жил-2018” үзэсгэлэн худалдаа зохион байгуулж байна.
Орон нутгийнхаа бизнес эрхлэгчдийг дэмжих, борлуулалтыг нь нэмэгдүүлэх, худалдан авагчид нэг дороос хичээлийн хэрэгслэл, хувцас эдлэлийг хямд, үнэ өргөн сонголттойгоор сонгох боломжийг энэхүү үзэсгэлэн худалдаагаар олгож байгаа ажээ. Тухайлбал, сурагчдын өргөн хэрэглээ болох дэвтрийн үнэ 12 хуудастай нь 230, 24 хуудастай нь 450, 36 хуудастай нь 550, 48 хуудастай нь 750, 60 хуудастай нь 900, 80 хуудастай нь 1200, 96 хуудастай нь 1500 төгрөгөөр худалдаалагдаж байна.
Үзэсгэлэн худалдаанд оролцож буй бизнес эрхлэгчид: “Иргэдийн худалдан авах чадвар тийм ч сайн биш байна. Одоогоор иргэд дэвтэр, бал, харандаа гээд хичээлийн хэрэгсэл л авч байна. Хувцас хэрэглэлийн үнийг нь асуухаас хэтрэхгүй байна” гэлээ.
Э.Нарангэрэл
